FACULTY OF EXACT AND NATURAL SCIENCES
FACULTY OF HUMANITIES
FACULTY OF SOCIAL AND POLITICAL SCIENCES
FACULTY OF PSYCHOLOGY AND EDUCATIONAL SCIENCES
FACULTY OF ECONOMICS AND BUSINESS
FACULTY OF MEDICINE
FACULTY OF LAW
ცნობილი გერმანელი მეწარმის, ბავშვთა კვების მსოფლიო ბრენდის “HIPP”-ის დამფუძნებლის, პროფესორ კლაუს ჰიპის, ლექცია, თემაზე: „ბიზნესის ეთიკა,“ თსუ ეკონომიკისა და ბიზნესის ფაკულტეტის სტუდენტებისათვის, გერმანულ ენაზე, გაიმართება 19 მაისს, ორშაბათს, 14:00 საათზე, თსუ მე-10 (მაღლივი) კორპუსის 410-ე აუდიტორიაში.
პროფესორი კლაუს ჰიპი არის ივანე ჯავახიშვილის სახელობის თბილისის სახელმწიფო უნივერსიტეტის საპატიო დოქტორი და საქართველოს საპატიო კონსული სამხრეთ გერმანიის მიწებზე. მრავალი წელია, იგი თსუ ეკონომიკისა და ბიზნესის ფაკულტეტის სტუდენტებისათვის, რეგულარულად კითხულობს გერმანულენოვან ლექციებს, ბიზნესის ეთიკის მიმართულებით. ამასთან, იგი ყოველწლიურად ირჩევს საუკეთესო ორ-სამ სტუდენტს და სრული დაფინანსების პირობებში, იწვევს მათ გერმანიაში, საკუთარ საწარმოში, ერთთვიანი საზაფხულო პრაქტიკის გასავლელად. ამ წლების განმავლობაში, ეკონომიკისა და ბიზნესის ფაკულტეტის მრავალმა სტუდენტმა გაიარა პრაქტიკა ბავარიაში მდებარე HIPP-საწარმოში და მნიშვნელოვანი პრაქტიკული გამოცდილება მიიღო.
ლექცია დასწრება შეუძლია თსუ ეკონომიკისა და ბიზნესის ფაკულტეტის ყველა სტუდენტს, ვინც ფლობს გერმანულ ენას და ვისაც აინტერესებს, როგორია „ბიზნესის ეთიკის“ გერმანული გამოცდილება. ლექციაზე დასასწრებად აუცილებელია წინასწარი რეგისტრაცია: 19 მაისის 12:00 საათამდე, მოგვწერეთ მისამართზე: ucha.gogritchiani@tsu.ge და მობრძანდით ლექციაზე.